П.Н.Шастины нэрэмжит Нэгдсэн Эмнэлэг дээр Advanced cardiac life support provider – сургалт 2008 оны 09 сарын 03-04 ны өдрүүдэд зохион байгуулагдлаа
 Яаралтай тусламжийн чанарыг сайжруулах зорилгоор Тайваний Шинг Конг У Хо Су Эмнэлэг Advanced Cardiac Life Support Provider болоод сургагч багш бэлтгэх сургалтыг П.Н.Шастины нэрэмжит Нэгдсэн Эмнэлэг дээр амжиллттай зохион байгууллаа. Сургалтыг Тайваны International Action and Cooperation Team /Олон улсын үйл ажиллагаа ба нөхөрлөлийн баг/-ын гишүүн, Тайваны Шинг-Конг У Хо Су эмнэлгийн эмч нар, яаралтай тусламжийн (Emergency medicine) болон түргэн тусламжийн (EMT paramedic) сургалтын ахлах зэрэглэлийн сургагч багш нар хамтран явуулав.
| 
Люксембургийн Их Гүнт Улсын Ерөнхий Сайд Эрхэмсэг хүндэт Жан-Клод ЮНКЕР Монгол улсад хийсэн албан аялчлалын үеэрээ П.Н.Шастины нэрэмжит Төв Эмнэлэгт айлчилж Люксембургийн засгийн газрын дэмжлэгтэйгээр хэрэгжиж буй Монгол улсын анхны Телемедицины төслийн Зүрх Судасны Төвийн үйл ажиллагаатай танилцав.Айлчлалын үеэр анхны телемедицины төсөл болох зүрх судасны төв төсөл мөн уг төслийн загварыг хуулбарчлан хэрэгжиж буй дүү төсөл болох Эх нярайн тусламжид зайн оношлогооны дэмжлэг үзүүлэх төслүүд өөрсдийн үйл ажиллагааг танилцуулсан юм.
Монгол улсын алсын зайн анагаах ухааны анхдагч зүрх судасны төв төслийн хүрээнд П.Н.Шастины Төв эмнэлэг дээрх Зүрх судасны төвд шинэ шатны тоног төхөөрөмжийг суурилуулж зүрхний тасгийн эмч нарыг сургаж бэлтгэлээ. Энэ хүрээнд 2003 онд суурилуулсан өнгөт допплер зүрхний эхо, болон зүрхний ачаалалтай бичлэгийн тоног төхөөрөмж дээр нэмээд зүрхний бичлэгийг 24 цаг хянах төхөөрөмж, даралтыг 24 цаг хянах төхөөрөмж, зүрхний эхо аппарат, эмийг өндөр нарийвчлалтай тари автомат тариур, яаралтай тусламжид хэрэглэгдэх дефибриллятор зэрэг тоног төхөөрөмжийг суурилууллаа. 
Алсын зайн анагаах ухааны хамгийн чухал хэсгүүдийн нэг бол алслагдсан газар нутгаас эмч нар өөрсдийн өвчтөнүүдэд оношлогоо эмчилгээний зөвөлгөө авах явдал байдаг. Ийнхүү зөвөлгөө авах нь ард иргэдийн чирэгдэлгүүгээр, зайлшгүй хот суурин газарт шилжүүлэлгүйгээр орон нутагт нь оновчтой оношлож улмаар үр дүнтэй эмчилгээг хийх боломжийг олгодог. Энэхүү тогтолцоо нь анхлан шуудан харилцааг ашиглан өвчтөнүүдийнхээ мэдээлэл, зөвөлгөөг солилцох замаар эхэлж байсан бол Монгол улсын хувьд email тогтолцоог ашиглаж байсан билээ. 
Зүрх судасны төв төсөл нь өөрийн хоёр дах шатандаа хэрэгжиж байгаа бөгөөд нэгдүгээр шатныхаа хэрэгжилтын хугацаанд төсөлд хамрагдаж байсан 6 аймгийн эмнэлэгт зүрхний эхо аппарат, зүрхний цахилгаан бичлэгийн аппаратуудыг суурийн компьютерийн хамт суурилуулан ажиллаж байсан бол энэ удаад төслийн 8 аймагт орчин үеийн зүрхний Өнгөт эхо аппарат, 24 цагийн зүрхний бичлэг болон 24 цагийн даралт хянах аппаратуудыг оношлогооны зорилгоор нэмэлтээр суурьлуулав.Үүний зэрэгцээ автомат тариур, дефибриллятор тоног төхөөрөмжийг эмчилгээний зорилгоор байрлууллаа.